Someone once asked me if I could find samples of the Manx language. I think it was Polycarp but I am not sure.
Anyway, I have just stumbled across some. here it is…
*Baase Chalse Balley Fayle — Manninagh Dooie
Shiaghtin er dy henney hie mish as keeadyn dy Vanninee elley gys Skylley Maghal son shirveish oanluckee Chalse Kerruish.
Er y lioaran shirveish va jalloo jesh jehsyn hene as fo shen ny focklyn Manninagh dooie.
Strooys dy row ny focklyn shen crooit son Chalse hene.
Cha row enney mie aym ersyn agh rish my clane vea t’eh er ve yn politickeyr ashoonagh smoo ardghooagh ayns Mannin.
Ta cooinaghtyn mie aym tra nagh row mee agh my scollag aeg ec Scoill Ard Cashtal Rosien ghow mee tastey jeh politickaght ashoonagh Vannin son y chied keayrt.
Ec y traa v’ayn va’n daa voayl va ry-gheddyn ayns rheynn reihys Garff giarit gys nane as ec y reihys cadjin va Chalse as Dr Mann caggey son yn un voayl faagit.
Va’n jees jeu nyn ard pholitickeyr ec y traa v’ayn as gyn ourys va niart dy liooar ayns ny oraidyn v’oc agh she Chalse balley Fayle ren geddyn ny varriaght.
Geaishtagh rish yn ghoo echey ec y traa v’ayn haink dou, son y chied keayrt er lhiam, toiggalys politickaght jeh ashooneyrys as Manninaght.
Eer nagh row eh nhione dou dy mie haink mee quaiyl rish mennick dy liooar car y jeih blein shoh chaie.
Va graih echey er cabbil obbree, kiart gollrhym pene, as ec ny taishbynyssyn eirinagh v’eh dy kinjagh ny ghooinney feoiltagh cur cuirrey da ny taishbyneryn elley dy chooney lesh yn bee as jough va jingit ayns cooyl e ghleashtan y ee as iu.
Eer traa va shenn eash cheet er v’eh caggey dy dunnal noi’n emshyr sollagh geuree dy heet gys troddanyn traauee dy chur shilley er ny cabbil as cur briwnys orroo ny keayrtyn.
Va Chalse mooar graihagh er cultoor Vannin as ta mee credjal dy row eh carrey da Mona Inney Ghoolish as ish coontey ram jeh.
Myr shen va mee feer wooiagh traa haink eh dy ve patroon Mooinjer Veggey. V’eh ny osleyder ec laa fosley yn chied phossan Vooinjer Veggey ayns Braddan shey ny shiaght bleeantyn er dy henney as hug eh dooin cooney dy liooar er dyn traa shen.
Ny smoo na shen ooilley she Chalse Balley Fayle t’er chur ooilley yn niart echey da aachummey bunraghtoil ren caghlaa dy bollaghtagh yn aght ta’n ellan ain goll er stuirey.
Ren eh ny chooid share dy geddyn rey rish shennaghys coloinaghys Goaldagh veih Mannin. Gyn dooyt erbee she Manninagh dooie v’eshyn.
*
Translates to…
Sir Charles Kerruish — a true Manxman
I joined hundreds of other Manx men and women at Maughold church for the funeral service of Sir Charles Kerruish.
On the specially printed order of service was a fine photograph of Charlie and underneath were written the words Manninagh dooie — true Manxman.
I can’t think of a more appropriate person for which those words should be used.
I didn’t know him very well but I suppose for most of my life he has been the most recognisable and vocal of all our national politicians.
I remember well as a young scholar at Castle Rushen High School first becoming aware of national politics in the Isle of Man through the endeavours of Sir Charles.
At that time the two seats in the constituency of Garff had been cut to one and at the General Election Charlie Kerruish and Dr Mann were fighting it out for the remaining place.
Of course both men were political heavyweights and reports of the campaign in Garff were always very lively and in the end it was Charlie who won through.
Listening to his message during that election, I think for the first time I started to become aware of the politics of nationalism, patriotism and Manxness.
Even though I didn’t know him that well I met him often enough particularly over the past 10 years.
He was very fond of heavy horses, an interest we shared, and exhibitors will well remember his generosity and hospitality at the agricultural shows in inviting people to help him drink and eat their way through the contents of the well-stocked boot of his car.
As old age began to creep up on him he was still prepared to battle against the harsh winter weather to come out to the ploughing matches to see the horses and often enough judge them too.
Sir Charles also had a great love of Manx culture and I understand Mona Douglas was a good friend to him. I was delighted that he was willing to become patron of Mooinjer Veggey. He opened Mooinjer Veggey’s first playgroup at Braddan over six years ago and has remained a great supporter of the group since then.
More than that though Sir Charles Kerruish put all his not inconsiderable political abilities to constitutional reform which has shifted considerably the control of our Island.
He worked hard to ensure that our British colonial past was replaced with democratic Manx controlled politics. Without doubt he was a true Manxman.
*